08 фев 19:10
Янгиликлар

Дзюдо

Қизларимиз Тошкент "Катта Дубулға" турнирига тайёргарлик кўришяпти

Шу кунларда Ўзбекистон аёллар терма жамоаси Тошкентда ўқув-машғулот йиғинини ўтказмоқда.

Ушбу йиғин қизларимиз учун 3-5 март кунлари пойтахтимиз мезбонлигида ўтказиладиган Тошкент "Катта Дубулға" турнирига тайёргарлик вазифасини ўтаб беряпти. Машғулотлар залда, шунингдек очиқ ҳавода (кросс) ташкил этилмоқда.

Тажрибали дзюдочимиз Гулноза Матниязова эса индивидуал тарзда шуғулланяпти. У 16-18 февраль кунлари Исроилда ўтказиладиган Тель-Авив "Катта Дубулға" турнирида иштирок этади. Қолган қизларимиз Тошкент "Катта Дубулға" мусобақасига ҳозирлик кўришяпти.

Айни шу сонияларга қадар Тель-Авив "Катта Дубулға" турнирида қатнашиш истагини билдирган давлатлар сони 56 тага етган. Жами 428 (236 эркак, 192 аёл) нафар дзюдочи мусобақа учун рўйхатдан ўтказилган.