Қўлқопсиз кечган Емельяненко - Жефф Монсон жанги тўлиқ давом этди + ФОТО

"Россия АҚШга қарши" номи остида ташкил этилган оқшомнинг марказий жанги оғир вазн тоифасида бўлиб ўтди. Қўлқопсиз жанг қоидаси асосида ташкил этилган турнирда россиялик таниқли ММАчи Александр Емельяненко АҚШ вакили Жефф Монсонга қарши рингга чиқди. Монсон 2015 йилда Россия паспортини олган ва ҳозирда у Сочи шаҳри депутати ҳисобланади.  

Уч раундга белгиланган жанг тўлиқ давом этди ва якунда ҳакамлар бир овоздан Емельяненконинг ғалабасини таъминлашди. Биринчи раунднинг ўрталарида Монсон нокдаун ҳолатига тушиб қолди. Кейинги раундларда Александр муваффақиятини ривожлантириб, якунда ҳақли равишда ғалаба қозонди. 

Шу тариқа, Александр Емельяненко Hardcore Fighting Championship лигасидаги дебютини ғалаба билан бошлади. 

Маълумот учун, кечаги жанг Емельяненко учун реванш мақомида эди. 2012 йилнинг ноябрь ойида M-1 Challenge 35 турнири доирасида ўтказилган илк жангда Монсон Емельяненкони иккинчи раундда бўғиб қўйганди.