Қосимжонов ёш шахматчимизни енга олмади, Ниғматов кучли гроссмейстерни мағлуб этди ФОТОГАЛЕРЕЯ

Кеча куннинг иккинчи ярмида мусобақанинг тўртинчи  тур учрашувлари ўтказилди. Турнирда биринчи рақам остида сараланган Рустам Қосимжонов ушбу турда қора доналарда ҳаракат қилди. 17-жаҳон чемпиони ёш шахматчимиз Нодирбек Ёқуббоевни мағлуб эта олмади ва дурангга рози бўлди. 

Ёш шахматчимиз Ортиқ Ниғматов эса кучли ўйин намойиш этди. У қозоғистонлик халқаро гроссмейстер, турнирнинг иккинчи рақамли шахматчиси Ринат Жумабоевни мағлубиятга учрата олди. Кетма-кет учта ғалабани қўлга киритган Жумабоев тўртинчи партияга келиб ютқазди. 

Ортиқ Ниғматов ушбу ғалабаси эвазига мусобақа жадвалида 3,5 очко билан якка пешқадам бўлиб олди. Ёш гроссмейстерларимиз Жавоҳир Синдаров ва Нодирбек Абдусатторов ўртасидаги партия дуранг билан якунланди. 

Бугун 5-турда карвонбоши Ортиқ Ниғматов қора доналарда гроссмейстер Нодирбек Абдусатторовга қарши баҳс олиб боради. Учтадан очкога эга Рустам Қосимжонов ва Ринат Жумабоев бугун ўзаро ҳисоб-китоб қилишади. 

Суратлар муаллифи - Алимурод Мамадаминов