Қойил! Тоҳиржонова жаҳон чемпионатининг 1/4 финалига йўл олди

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Ушбу жаҳон чемпионатида юртимиз шарафини ягона вакиламиз, аёллар ўртасида халқаро гроссмейстер Гулруҳбегим Тоҳиржонова муваффақиятли ҳимоя қиляпти. 

Гулруҳбегим биринчи ва иккинчи даврада ғалаба нашидасини сурганди. Истеъдодли шахматчимиз 1/8 финал босқичининг илк партиясида ҳам ғалабага эришди. У россиялик халқаро гроссмейстер Валентина Гунинани оқ доналарда мағлуб этди. Лекин иккинчи партияда қора доналарда ҳаракат қилган Гулруҳбегим мағлубиятга учради. 

Ҳал қилувчи тай-брекда эса шахматчимиз кучли рақибасини мағлуб этди ва 3:1 ҳисобидаги ғалабадан сўнг чорак финалга йўл олди. Бугун Тоҳиржонова ярим финал остонасида хитойлик Цзюй Вэньцзюнга қарши дона суради. Чин юрти вакиласи биринчи рақам остида таснифланган. 

Чорак финал жуфтликлари:

Цзюй Вэньцзюнь – Гулруҳбегим Тоҳиржонова

Мария Музичук – Абдумалик

Катерина Лагно – Лэй Тинцзе

Александра Костенюк – Анна Музичук