Қозоғистон Пекиндаги Олимпиадага нечта лицензия қўлга киритди?

Шундай экан, бирин-кетин Олимпия ўйинларига қайси мамлакат нечта лицензия қўлга киритгани маълум бўлмоқда. 

17 январь куни барча саралаш ва рейтинг мусобақалари якунланди ва Пекин Олимпиадаси учун лицензияларнинг аксарияти тақсимланди. Қозоғистон спортчилари 8 та спорт тури бўйича 82 та лицензияни қўлга киритишди, деб хабар берди Olympic.kz.

Қозоғистон терма жамоаси чанғи спортида 30 та, фристайлда 9 та (могул йўналишида 5 та, акробатика бўйича 4 та лицензия) лицензия қўлга киритди. Улар конькида югуриш спорт турида 12 та, биатлонда ҳам шунча лицензияга эга. Яна 9 та лицензия шорт-трек бўйича қўлга киритилган. Қўшниларимиз тоғ чанғиси ва трамплиндан сакраш бўйича 4 тадан лицензияга эга чиқишди, шунингдек, чанғи спортида ҳам иккита лицензия бор.

Олимпия терма жамоасининг таркибидан ҳозирча 32 нафар спортчи ўрин олган. Бу якуний маълумот эмас. Қозоғистон МОҚ биатлон, чанғи пойгаси, фристайлнинг могул ва акробатика турлари бўйича халқаро федерациялардан лицензияларни қайта тақсимлаш натижаларини кутмоқда. Олимпиада иштирокчиларининг тўлиқ рўйхати 20 январдан кейин оммага эълон қилинади.

Пекин-2022 қишки Олимпия ўйинлари 4 февраль куни бошланади. Ушбу Олимпиадада 109 та медаллар жамланмаси ўйналади.

Эслатиб ўтамиз, мамлакатимиздан Қишки Олимпия ўйинларида 1 нафар спортчи иштирок этади. Комил Тўхтаев тоғ чанғиси спорт турида юртимиз шарафини ҳимоя қилади.