ОЛИМПИАДАГАЧА. Пекиндаги Олимпиада Ўзбекистон учун қандай ўтган?

Делегациямиз вакиллари 13 та спорт туридан 56 нафар спортчи (41 нафар эркак, 15 нафар аёл) билан ўйинларда Ўзбекистон шарафини ҳимоя қилган.

Қайси спорт туридан неча нафар спортчи иштирок этган? 

Бокс - 7 нафар 

Эркин кураш - 5 нафар 

Юнон-рум кураши - 3 нафар 

Спорт гимнастикаси - 2 нафар 

Байдарка ва каноеда эшкак эшиш - 1 нафар 

Академик эшкак эшиш - 1 нафар 

Дзюдо - 8 нафар 

Енгил атлетика - 12 нафар

Сузиш - 7 нафар 

Ўқ отиш - 2 нафар 

Оғир атлетика - 2 нафар 

Трамплиндан сакраш - 1 нафар

Велоспорт - 1 нафар 

Таэквондо - 3 нафар

Теннис - 1 нафар 

Совриндорлар 

Ўзбекистон ушбу Олимпия ўйинларида 1 та кумуш ва 3 та бронза медалини қўлга киритган. Дзюдо бўйича +100 кг вазнда Абдулло Тангриев турнирнинг финалига қадар етиб бориб, якунда кумуш медалга эга чиққан. Гимнастика бўйича эркаклардан Антон Фокин ҳамда аёллардан Екатерина Хилько бронза медалига сазовор бўлган бўлса, дзюдо бўйича 60 кг вазн тоифасида Ришод Собиров ҳам бронза медалини ўзиники қилган. Таъкидлаш лозимки, эркин кураш бўйича Сослан Тигиевнинг кумуш ва Артур Таймазовнинг олтин медаллари ҲОҚ томонидан допинг сабабли бекор қилинган. 

Ўзбекистон ушбу натижа билан медаллар жамғариш бўйича умумжамоа ҳисобида 62-ўринни банд этган. Рейтингнинг биринчи поғонасини Хитой (51 та олтин, 21 та кумуш, 28 та бронза), иккинчи ўрнини АҚШ (36 та олтин, 38 та кумуш, 36 та бронза) эгаллаган бўлса, кучли учликка эса Россия (23 та олтин, 21 та кумуш, 28 та бронза) якун ясаган.

Хитойда бўлиб ўтган Олимпия ўйинларида 204 та мамлакатдан 10942 нафар спортчилар 28 та спорт тури бўйича мусобақаларда иштирок этган.

Ҳабиб Жўрабоев тайёрлади