15 июл 05:33
Янгиликлар

Бокс/ММА

Қозоғистон вакиласи UFC 277 турнирида қатнаша олмайдиган бўлди

1 август куни Далласда UFC'нинг навбатдаги рақамли турнири бўлиб ўтади.

Ушбу турнирдан ўрин олган қозоғистонлик Мария Агапова ҳамда Жанубий Корея вакиласи Жи Йон Ким ўртасидаги жанг бекор бўлди. Бунга сабаб сифатида Мариянинг тиззасидан жароҳат олгани айтилмоқда. Бу ҳақда MMA Fighting нашри хабар берган.

Агапованинг ўрнини ушбу жангда панамалик Жозелин Эдвардс эгаллаши кутилмоқда.

Эслатиб ўтамиз, Мария Агапова сўнгги бор шу йилнинг 6 март санасида Марина Морозга қарши, Жи Йон Ким эса 27 февраль куни Присцила Кечоейрага қарши жанг қилган эди.