14 дек 14:20
Янгиликлар
Бокс/ММА
Қозоғистонлик боксчи Исроил Мадримовнинг собиқ рақиби билан жанг қилди
Бугун АҚШнинг Калифорния штати, Санта-Инес шаҳрида навбатдаги профессионал бокс оқшоми ўтказилди.
Унда супер яримўрта вазн тоифасида фаолият олиб бораётган қозоғистонлик профессионал боксчи Садриддин Аҳмедов ҳам рингга кўтарилди.
Садриддинга турнир доирасида америкалик Рафаэль Игбокве рақиблик қилди.
10 раундлик жанг еттинчи раундда якунланди. 26 ёшли Аҳмедов рақибини техник нокаут орқали муддатидан олдин зафар қучди.
Шундай қилиб, фаолиятини Канадада бошлаган Садриддин Аҳмедов 15-жангидаги 15-ғалабасини нишонлади. Игбокве эса 23-жангида 6-мағлубиятини қабул қилиб олди.
Ёдингизда бўлса, Рафаэль Игбокве 2023 йил апрель ойида супер яримўрта вазн тоифасидаги собиқ жаҳон чемпиони Исроил Мадримовга қарши жанг қилиб, очколар ҳисобига кўра мағлуб бўлган эди.
Ҳавола :
Манба : olamsport.com
Фикрлар