Қозоғистонлик Бублик Маррейни мағлуб этиб, Ньюпорт турнири ярим финалига чиқди

Чорак финалда Бублик шотландиялик Энди Маррейни мағлуб этди. Учрашув 7/5, 6/4 ҳисобида якунланди.

Баҳс 1 соату 46 дақиқа давом этди. Ўйин давомида жаҳоннинг 42-ракеткаси Бублик 11 та эйс амалга ошириб, беш бор қўш хатога йўл қўйди ва учта брейкдан унумли фойдаланди. Унинг АТР рейтингида 52-ўринни эгаллаб турган рақиби эса битта эйс, иккита қўш хато ва битта брейк қайд этди.

Турнирнинг ярим финалида Бублик Жейсон Каблер (Австралия) - Жеймс Дакворт (Австралия) учрашуви ғолиби билан ўйнайди. 

Эслатиб ўтамиз, мусобақанинг мукофот жамғармаси 594 минг долларни ташкил этади.