Қозоғистонлик дзюдочи Музаффарбек Тўрабоевга учралган мағлубият ҳақида фикр билдирди

"Биринчи босқичда Бельгия вакилини мағлуб этдим. Бироқ, иккинчи даврада Ўзбекистон дзюдочисига ютқаздим. Боримни бериб, очиқ ва ҳалол курашдим. Мураббийларим кўрсатмасига ҳам амал қилдим. Ўз навбатида чарчаб ҳам қолганим йўқ. Гарчи рақибим мендан баланд бўлсада, куч борасида мендан кучли демаган бўлардим. Бўйдаги фарқни мағлубият сабаби деб ҳисобламайман. Бу менга ноқулайлик туғдиргани йўқ. 

Шунингдек ҳакамликка ҳам эътирозим йўқ. Барча хатоларга ўзим йўл қўйдим. Олимпиада шундай мусобақаки, у ерда хотиржам ва сабр билан курашиш керак. Мен қўлимдан келган барчасини қилдим. Кейинги Олимпиадада ғалаба қозонишга умид қиламан. Мухлисларга ва оиламга қўллаб-қувватлов учун раҳмат", - деди дзюдочи.