21 июл 10:19
Янгиликлар
Теннис
Қозоғистонлик теннисчи Swiss Open Gstaad чемпиони!
Швейцариянинг Гштаад шаҳрида теннис бўйича ATP 250 тоифасига кирувчи турнир якунига етди.
Мусобақа бош соврини қозоғистонлик Александр Бубликка насиб қилди. Дунёнинг 34-ракеткаси бўлиб келган Бублик ҳал қилувчи финал учрашувида ATP рейтингида 109-поғонада борган аргентиналик Хуан Мануэль Серундолони уч сет натижасига кўра мағлубиятга учратди - 6/4, 4/6, 6/3.
Бу теннисчиларнинг ўзаро ўтказган илк учршуви бўлди. Икки соату етти дақиқа давом этган финал баҳсида Бублик 13, Серундоло эса бор йўғи 1 та эйс зарбасини амалга оширган. Бублик фаолиятидаги олтинчи, бу йилги мавсумдаги иккинчи совринини қўлга киритди.
EFG Swiss Open Gstaad турниридаги муваффақиятли иштирок Бубликка 250 рейтинг очкоси ҳамда 90 675 евро мукофот пули келтирди.
Ҳавола :
Манба : gotennis
Фикрлар