18 янв 20:01
Янгиликлар

Теннис

Қозоғистонлик теннисчи Хобарт турнири ғолибасига айланди

Дунёнинг 30-ракеткаси Елена Рибакина Австралиянинг Хобарт шаҳрида якунланган Hobart International турнирининг бош соврини соҳибасига айланди.

Қозоғистонлик теннисчи финал учрашувида рейтингда ўзидан 10 поғона пастда бораётган хитойлик Чжан Шуайни 7/6(7), 6/3 ҳисобида мағлуб этди. Учрашув 93 дақиқа давом этган. Бу теннисчиларнинг ўзаро илк тўқнашуви эди.

Елена мавсумдаги биринчи, фаолиятидаги иккинчи WTA титулига эга чиқди. Хобартдаги муваффақиятли иштирок Рибакинага 43,000 АҚШ доллари ҳамда 280 рейтинг очкосини тақдим этди. Шуай эса 21,400 доллар ва 180 очкога эга бўлди.