Радамель Фалькао: "Энг муҳим ўйин Ўзбекистондан бошланади"

"Америка Кубогида ажойиб ўйин кўрсатиб, финалгача етиб борганимиздан сўнг, Колумбия терма жамоаси кейинчалик барчамиз кутган барқарорликни намойиш эта олмади. Жамоа бу ўйинини мустаҳкамлаб, саралаш босқичини анча хотиржам ўтказади деб ўйлагандик. Аммо саралашдаги воқеалар ривожи кутилганидек бўлмади ва жамоа учинчи ўрин билан йўлланмани қўлга киритди. Терма жамоанинг ўйинидан қониқмаганлар жуда кўп ва буни тушунса бўлади, чунки мундиал бошланишидан олдинги кунларда футболчилар ўзларини ортиқча хавфга қўйишни исташмайди. Кўнгилдагидек етиб кела олишмагандир, лекин бу муаммо эмас.

Муаммо биринчи ўйинда бошланади, футболчилар руҳий ва жисмоний жиҳатдан тайёр бўлишлари керак. Ортда қолган ишлар ортда қолди. Ҳатто энг идеал ҳолатда етиб келинганда ҳам, бунинг Жаҳон чемпионатига ҳеч қандай таъсири бўлмасди, энг муҳими – Ўзбекистон билан ўйиндан бошланади. Жамоада жуда яхши футболчилар йиғилган, фақат улар худди 2024 йилги Америка Кубогидагидек ўз ўйинини топиб олиши керак", деди 40 ёшли футболчи.

Эслатиб ўтамиз, Радамель Фалькао Колумбия тарихидаги энг яхши тўпурар ҳисобланади (36 гол). Бироқ у терма жамоадаги фаолиятини якунлаган.