Рафаэль Надаль Роттердамдаги турнирда қатнашмайди

"Афсуски, Роттердамдаги турнирдан воз кечишга мажбур бўлдим. Кўпчилик мухлислар билишадики, Австралиянинг Аделаидасида бошланиб, Мелбурнда давом этган белимдаги оғриқ билан боғлиқ муаммоларим бор эди. 

Биз Australian Open мусобақасининг иккинчи ҳафтасида оғриқсиз ўйнашимга имкон берадиган вақтинчалик ечим топдик. Испанияга қайтганимда мен шахсий шифокоримни ёнига бордим ва у менга жамоам билан бирга бу ҳафта ўйнамасликни маслаҳат берди.

Роттердамга қайтишни сабрсизлик билан кутаётгандим. Чунки у ерда ўйнамаганимга анча бўлганди. Бу мукаммал режа эди, лекин афсусуки, уни амалга ошира олмадим. Янги мусобақада кўришгунча", - деб ёзади Надаль Twitter саҳифасида.