16 апр 17:18
Янгиликлар

Теннис

Раҳимова Руан турнирида дунёнинг 36-ракеткасига қарши уч сетлик баҳс ўтказди

Франциянинг Руан шаҳрида теннис бўйича WTA 250 тоифасига кирувчи, мукофот жамғармаси 283,347 долларни ташкил этувчи турнир бўлиб ўтмоқда.

Мусобақада мамлакатимизнинг биринчи ракеткаси Камилла Раҳимова ҳам ўз маҳоратини намойиш этаётганди. Вакиламиз 1/16 финалда саралаш баҳслари орқали асосий тўрга етиб келган америкалик Элвина Калиевани 6/3, 7/6(1) ҳисобида мағлубиятга учратган эди.

Афсуски, Раҳимова 1/8 финалда дунёнинг 36-ракеткаси, АҚШ вакиласи Анн Лига уч сет натижасига кўра имкониятни бой бериб қўйди. Икки соату тўққиз дақиқа давом этган баҳсда турнирда бешинчи рақам остида таснифланган Ли 4/6, 6/2, 6/3 ҳисобида ғалаба қозониб, чорак финалга йўл олди.

Таққослаш учун, Раҳимова WTA рейтингида 74, Калиева 137, Ли 36-ўринни эгаллаб турибди. Бу теннисчиларнинг ўзаро ўтказган бешинчи учрашуви бўлди. Камилла ўзаро ўйинларда фақат бир маротаба зафар қучган.