Расман! 16 июль кунги UFC турнирининг марказий жанги тасдиқланди

Америкалик 30 ёшли Брайан Ортега ҳамда мексикалик Яир Родригес ўртасидаги жанг 16 июль куни АҚШнинг Нью-Йорк штати Лонг-Айленд шаҳарчасида бўлиб ўтади. Айнан ушбу жанг UFC Fight Night турнирининг марказий тўқнашуви бўлади. 

Эслатиб ўтамиз, Брайан Ортега сўнгги жангини 2021 йилнинг сентябрь ойида промоушен чемпиони Александр Волкановскига қарши ўтказиб, очколар ҳисобига кўра имкониятни бой берган эди. Брайан 18 та жангининг 15 тасида ғалаба қозонган. Ҳисобида иккита мағлубият бор, яна бир жанг ўтказилмаган деб топилган эди. 

Яир Родригес эса ММАдаги фаолияти давомида 17 та жанг ўтказган бўлиб, 13 ғалаба ва 3 мағлубият қайд этган. Ортега сингари битта жанги ўтказилмаган деб топилганди. Сўнгги жангида Макс Холлоуэйга ютқазган.