02 апр 17:32
Янгиликлар

Бокс/ММА

Расман. Цзюнинг навбатдаги рақиби ва жанг санаси эълон қилинди. У ўз юртида рингга чиқади + ПОСТЕР

24 апрель куни Австралиянинг Сидней шаҳридаги "Hordern Pavilion" мажмуасида профессионал бокс оқшоми ташкил этилади.

Оқшомнинг марказий жангида 26 ёшли австралиялик боксчи, собиқ мутлақ жаҳон чемпиони Константин Цзюнинг ўғли Никита Цзю рингга чиқади. Унга ўша куни италиялик Данило Креати рақиблик қилади.

Никита профессионал фаолияти давомида саккизта жанг ўтказиб, уларнинг барчасида ғалаба қозонган. Креати эса тўққизта жангда рингга чиқиб, саккиз ғалаба ва битта мағлубият қайд этган.

Эслатиб ўтамиз, якшанба тонгида Никитанинг акаси Тим Цзю Себастьян Фундорага қарши жангда мағлуб бўлиб, WBO камаридан айрилган эди.