Расман. Достон Бозоров чемпионлик камарини ўзбекистонлик спортчидан ҳимоя қилади. Жанг санаси ва манзил маълум

Фарғонада туғилган Достон Бозоров 23 февраль куни Қозоғистоннинг Олма-Ота шаҳрида ташкил этиладиган Octagon 70 турнирида иштирок этади. Унга ўша куни яна бир ўзбекистонлик аралаш якка кураш устаси Мавлонбек Миркомилов рақиблик қилади.

Мазкур баҳс турнирнинг иккинчи асосий жанги этиб белгиланган. Марказий жангда ярим ўрта вазн тоифасидаги ҳамюртимиз Шоҳасан Мирзаматов мазкур вазндаги Лига чемпиони, қозоғистонлик Георгий Кичигин билан тўқнаш келади.

Маълумот ўрнида, Достон Бозоров ҳозирга қадар фаолияти давомида 12 та жанг ўтказиб, 11 та ғалаба ва 1 та мағлубият қайд этган. Мавлонбек Миркомилов ҳисобида эса 9 та ғалаба ва 2 та мағлубият бор.