10 мар 09:25
Янгиликлар

Бокс/ММА

Расман: Фрэнсис Нганну Роузи - Карано турнири доирасида октагонга чиқади + ПОСТЕР

Узоқ танаффусдан сўнг оғир вазн тоифасида собиқ UFC чемпиони жангларга қайтмоқда.

Жейк Полнинг Most Valuable Promotions компанияси UFC ва PFL собиқ чемпиони Фрэнсис Нганну (18-3) ўзининг навбатдаги жангини 16 май куни Лос-Анжелесда ўтказишини расман эълон қилди. Ушбу оқшомнинг асосий жанги аёллар MMA афсоналари Ронда Роузи ва Жина Карано ўртасида бўлиб ўтади.

39 ёшли Нганнунинг рақиби 2024 йилгача UFC’да иштирок этиб, оғир ва ярим оғир дивизионларда ҳаракат қилган 40 ёшли бразилиялик Филипе Линс (18-5) бўлади. Жанг беш дақиқадан беш раунддан иборат олти бурчакли қафасда бўлиб ўтади ва шоунинг иккинчи муҳим воқеаси бўлади.