Расман: IBF Zuffa сабаб Жей Опетайяни чемпионликдан маҳрум қилади

Агар Жей Лас-Вегасдаги Zuffa Boxing 4 турнирининг марказий жангида Брендон Глентонга қарши рингга кўтарилса, IBF уни биринчи оғир вазн тоифасидаги жаҳон чемпионлигидан маҳрум этишини расман маълум қилди. Тегишли баёнот ташкилот томонидан айтилди.

Дастлаб IBF ушбу жангни ихтиёрий титул ҳимояси сифатида маъқуллаган, бироқ кейинчалик фикридан қайтган. Бунга томонларнинг асосий тўртликка кирмайдиган, аммо чемпионлик камари сифатида эътироф этилаётган Zuffa Boxing камарини ўйнаш нияти сабаб бўлган.

IBF қоидаларида бирлаштирувчи жанглар фақат WBA, WBC ва WBO камарлари эгалари билан ўтказилиши кўрсатилган. Опетайя жамоасининг Zuffa камари рамзий совриндан бошқа нарса эмаслиги ҳақидаги баёнотига қарамай, расмий матбуот анжуманида у IBF ва The Ring камарлари билан бир қаторда эълон қилинди.

Шу тариқа, Опетайя фаолиятида иккинчи марта IBF чемпионлик камаридан маҳрум бўлади. У биринчи марта 2023 йилда Майрис Бриедисга қарши мажбурий ҳимоя ўрнига британиялик Эллис Зоррога қарши жанг учун камаридан айрилганди.