18 ноя 08:03
Янгиликлар
Жей Опетая cафдан чиқди, Деонтей Уайлдер рақибсиз қолди
Собиқ жаҳон чемпиони Деонтей Уайлдерга янги рақиб керак бўлади, боиси австралиялик Жей Опетая 11 декабрь куни Уэльснинг Кардифф шаҳридаги "Принсипалити" стадионида бўлиб ўтиши режалаштирилган жангдан воз кечди.
Бу ҳақда таниқли спорт шарҳловчиси Дэн Рафаэль маълум қилди.
"Манбаларнинг хабар беришича, Жей Опетая 11 декабрь куни Netflix томонидан трансляция қилинадиган Фьюри – Жошуа бокс кечасининг андеркардида бўлиб ўтиши керак бўлган жангдан воз кечган.
Уайлдер агар ташкилотчилар унга муносиб ўринбосар топа олсалар, рингга чиқиши режалаштирилган. Энг реал вариантлардан бири Дерек Чисора билан реванш жангидир", - деб ёзди репортёр ижтимоий тармоқда.
Деонтейнинг манфаатларини ҳимоя қилувчи менежер Шелли Финкел MMA Junkie нашрига берган интервьюсида вазиятга изоҳ бериб, унинг мижозига аллақачон бир нечта потенциал рақиблар таклиф қилинганини тасдиқлади.
Деонтей Уайлдер бокс бўйича супероғир вазн тоифасида жаҳон чемпиони бўлган сўнгги америкаликдир. Унинг профессионал рекорди 45 та ғалаба, 4 та мағлубият ва 1 та дурангга эга, шундан 43 та жангда у нокаут билан ғалаба қозонган.
Биринчи оғир вазн тоифасида Zuffa Boxing чемпиони бўлган австралияликнинг жангдан воз кечиш сабаблари номаълум қолмоқда.

Фикрлар