18 ноя 07:32
Янгиликлар
Сирил Ган Жош Хокит билан жангдан сўнг илк бор баёнот берди
Нью-Йоркда бўлиб ўтган UFC 334 турниридан икки кун ўтиб, ташкилотнинг амалдаги оғир вазн чемпиони ўз мухлисларига ўзини аъло даражада ҳис қилаётгани ва ўз камарини ҳимоя қилишга тайёрлигини маълум қилди.
"Мен яхши эканлигимни билдирмоқчиман. Ҳа, жангдан сўнг дарҳол мени текширув учун шифохонага юборишди, биз керакли текширувдан ўтдик ва менда ҳаммаси жойида. Биз текширувдан ўтиш ва ҳаммаси жойида эканлигига ишонч ҳосил қилиш учун ҳам шифохонага боришимиз керак эди. Чунки бу ҳақиқий жанг эди, лекин нима бўлишидан қатъи назар, биз ғалаба билан қайтдик.
Менга ёзиб, ҳолатимдан хабар олаётган барчага раҳмат. Жангдан олдин, жангда ва жангдан кейинги қўллаб-қувватлов учун барчангизга ташаккур. Биз биргамиз. Энди дам олиш вақти келди. Шундан сўнг, биз машғулотларга қайтиб, кейинги қадамга тайёрланамиз. Бу охири эмас. Қўллаб-қувватлаганингиз учун яна бир бор катта раҳмат!", – деди француз ижтимоий тармоқда эълон қилинган видеода.
Эслатиб ўтамиз, якшанба тонгида бўлиб ўтган оғир вазн тоифасидаги чемпионлик жанги беш раунд давом этган ва Сирил Ганнинг очколар (48-47, 48-47, 48-47) ҳисобидаги ғалабаси билан якунланганди. Шунингдек, иккала спортчи ҳам "Оқшомнинг энг яхши жанги" учун бонуслари сифатида қўшимча 100 000 доллардан олишганди.

Фикрлар