Расман! Жанибек Алимханулининг навбатдаги рақиби ва жанг санаси маълум + ПОСТЕР

У 4 октябрь куни Австралиянинг Сидней шаҳрида ташкил этиладиган бокс оқшоми доирасида рингга кўтарилади. Ўша куни Жанибекка Янги Зеландия вакили Андрей Михайлович рақиблик қилади. Жангда Алимханули ўзининг IBF чемпионлик камарини ҳимоя қилади.

Эслатиб ўтамиз, мазкур жанг аслида 14 июль куни Лас-Вегас (АҚШ) шаҳрида ўтказилиши керак эди. Бироқ қозоғистонлик боксчининг вазн ўлчаш маросими пайтида ўзини ёмон ҳис этгани туфайли жанг бекор қилинганди.

Маълумот учун, 31 ёшли Алимханули проф боксдаги фаолияти давомида 15 та жанг ўтказиб, уларнинг барчасида рақибларидан устун келган. Унинг рақиби Андрей Михайлович ҳисобида эса 21 та ғалаба бор.