Расман! Муроджон Аҳмадалиевнинг жанг санаси, манзили ва рақиби маълум + ПОСТЕР

Чарм қўлқоп устамиз вақтинчалик WBA камари учун жанг ўтказади. Муроджон Аҳмадалиев (12-1, 9 КО) 14 декабрь куни Монте-Карло шаҳрида Matchroom промоутерлик компанияси томонидан ташкил этилаётган проф бокс оқшомининг марказий жангида рингга кўтарилади. Жанг биринчи ярименгил вазнда вактинчалик WBA камари учун бўлиб ўтади. 

Шу куни 29 ёшли боксчимиз мексикалик 27 ёшли Рикардо Эспиноса Франко (30-4, 25 КО)га қарши рингга чиқади. Бу боксчи WBA рейтингида 13-ўринни эгаллаб турибди. Рикардо Эспиноса Франко 2019 йилда енгил вазнда вақтинчалик WBO камари учун ҳам жанг ўтказган эди. Ўшанда у уч вазн тоифасида жаҳон чемпиони Жон Рил Касимерога 11-раундда нокаут билан ютқазганди. Жанг тўхтатилгунига қадар ҳакамлар ҳисоб-китобига кўра дуранг бўлиб турган эди.