26 ноя 21:11
Янгиликлар

Футбол

РАСМАН: Пиоли "Милан" билан шартнома муддатини узайтирди

Мураббий Стефано Пиоли "Милан"ни бошқаришда давом этади.

56 ёшли италиялик мутахассис билан шартнома 2023 йилнинг ёзига қадар узайтирилди. Шартнома ҳамкорликни яна бир йилга узайтириш вариантини назарда тутади. Янги шартномага кўра, Пиоли Миланда йилига 3,5 миллион евро ишлаб олади.

Пиоли 2019 йилда "Милан"ни қабул қилиб, жамоани Чемпионлар лигасига олиб чиқди. Мураббий қўл остидаги 106 ўйинда "россонерлар" 59 марта ғалаба қозонган, 27 дуранг ва 20 мағлубият қайд этган.

Жорий мавсум А Сериянинг 13-туридан сўнг "Милан" 32 очко жамғариб, "Наполи"дан фақат қўшимча кўрсаткичлар бўйича ортда қолган ҳолда иккинчи ўринда бормоқда.