29 ноя 16:40
Янгиликлар
Бокс/ММА
Расман. Хотамбек Бойназаров Octagon лигаси билан шартнома имзолади. Унинг илк жанги санаси ва рақиби маълум
Ярим ўрта вазн тоифасида ўзбекистонлик аралаш якка кураш устаси Хотамбек Бойзанаров (7-0-0) Қозоғистоннинг Octagon лигаси билан шартнома имзолади.
Бу ҳақда лига матбуот хизмати хабар бермоқда.
Ҳамюртимизнинг навбатдаги жанги санаси ва рақиби ҳам эълон қилинди. Унга кўра, Бойназаров 23 декабрь куни Олма-Ота шаҳрида ўтказиладиган Octagon 53 мусобақаси доирасида жанг қилади. Хотамбекка ўша куни озарбайжонлик Эмин Шарипов (4-1-0) рақиблик қилади.
Шунингдек, Octagon 53 мусобақасида яна бир ўзбекистонлик жангчи - Анвар Абдуллаев чемпионлик камари учун жанг қилади.
Эслатиб ўтамиз, Хотамбек Бойназаров сўнгги жангини 2023 йил 26 август куни UAE Warriors 44 турнири доирасида франциялик Микаил Байрамга (6-3-0) қарши ўтказиб, муддатидан олдин ғалаба қозонган эди.
Ҳавола :
Манба : olamsport.com
Фикрлар