РАСМАН: Хотамбек Бойназаровнинг собиқ чемпионга қарши жанги тасдиқланди + ПОСТEР

Ўрта вазн тоифасидаги ММА жангчимиз Хотамбек Бойназаров навбатдаги жангини 27 июль куни ўтказиши ҳақида хабар берган эдик. Ҳамюртимиз Абу-Дабида ташкил этилаётган УАЭ Wарриорс 51 турнирида грузиялик Гиорги Эгнаташвилига (8-1-0) қарши октагонга чиқади. Гиорги GFC лигаси собиқ чемпиони ҳисобланади. Хотамбек ушбу баҳсда ғалаба қозонса UFC'га ўтиш имкониятлари янада ортиши тахмин қилинмоқда.

Маълумот учун, Хотамбек ҳозиргача саккизта жанг ўтказиб, уларнинг барчасида ғалаба қозонган. Сўнгги жангини 2023 йил 26 август куни Микаил Байрамга қарши ўтказиб, нокаут орқали ғалаба қозонган. Шундан сўнг, Бойназаровнинг учта жанги турли сабаблар билан бекор қилинган эди.

Унинг рақиби Гиорги Эгнаташвили эса ҳозиргача тўққизта жангда қатнашган ва саккизта ғалаба, битта мағлубият қайд этган.