20 фев 17:16
Янгиликлар

Футбол

Расмий хабар: Бобир Абдихолиқов "Рух" футболчисига айланди

23 ёшли футболчи фаолиятини Украина чемпионатида давом эттиради.

Аввалроқ унинг "Рух" жамоаси учун кўрикдан ўтиши ҳақида хабар берган эдик. Бобир тиббий кўрикдан муваффақиятли ўтиб, Львов шаҳри жамоаси билан шартнома имзолади. Бу ҳақда клуб расмий сайти хабар берди.

Маълумот учун, 2003 йилда ташкил топган мазкур клуб ўз уй ўйинларини Львов шаҳридаги "Арена Львов" стадионида ўтказади. Мазкур стадион 2012 йилги Европа чемпионати ўйинларини қабул қилган.

"Рух" ўтган мавсум қуйи лигада иккинчи ўринни эгаллаб ўз тарихида илк бор Премьер-лигага йўлланма олган.

Айни пайтда "Рух" 14та ўйиндан сўнг 10 очко билан мусобақа жадвалининг 13-поғонасида бормоқда.