18 окт 16:19
Янгиликлар

Бокс/ММА

RCC x Karate Combat: Хамзин Космони енгди, "Белаз" Дуглас Лимани бўғиб қўйди

Россиянинг Екатеринбург шаҳрида RCC ва Karate Combat промоушенларининг қўшма турнири бўлиб ўтди.

Оқшомнинг асосий жангида Ильяс Хамзин ўрта вазн тоифасида ўзига тегишли бўлган Karate Combat чемпионлик камарини муваффақиятли ҳимоя қилди. У кикбоксинг бўйича етти карра жаҳон чемпиони Александр Космони мағлубиятга учратди. Хамзин биринчи раунддаёқ қарши зарба билан рақибини таслим этди.

Шунингдек, турнир доирасидаги грэпплинг беллашувида ўрта вазнда RCC чемпиони Владислав "Белаз" Ковалев собиқ Bellator чемпиони Дуглас Лимани иккинчи раундда бўғиш усули эвазига енгди. Жангдан сўнг берган интервьюсида Белаз 2027 йилнинг бошида UFC билан шартнома имзолашини айтди.