09 июл 08:54
Янгиликлар

Формула-1

Renault учинчи бор Алонсонинг қайтганини эълон қилди

Икки карра Формула-1 чемпиони Фернандо Алонсо Renault жамоаси билан шартнома имзолади.

Бу ҳақида клуб матбуот хизмати хабар берди. Фернандо француз жамоасида Даниэль Риккардонинг ўрнини эгаллайди. У Эстебан Окона билан бирга жамоа шарафини ҳимоя қилади. Риккардо эса фаолиятини McLaren жамоасида давом эттиради.

"Renault - бу менинг оилам. "Формула-1"даги ёрқин лаҳзаларим бевосита шу жамоа билан боғлиқ. Икки бор чемпионлик шохсупасига кўтарилдим. Яна шу ерда эканимдан хурсандман", - деди Алонсо.

Эслатиб ўтамиз, 38 ёшли испаниялик пилот Renault шарафини 2003-2006 ҳамда 2008-2009 йилларда ҳимоя қилган эди. Фернандо сўнгги тўрт мавсумни McLaren жамоасида ўтказганди.