01 сен 11:27
Янгиликлар

Бокс/ММА

Ретро! Синган бурун, табличка кўтарган қизлар ёҳуд 2007 йил Тошкентда ўтган проф бокс оқшомининг марказий жангидан ФОТОРЕПОРТАЖ

Сайтимизнинг "Ретро!" саҳифасида яқин ўтмишнинг тарихга муҳрланган мусобақаларидаги ажойиб суратларни эътиборингизга ҳавола қилишда давом этамиз.

Ўн уч йил аввалги профессионал бокс кечаси Шуҳрат Ҳасанов раҳбарлигидаги "Фавзул Мунаввар" промоутерлик компанияси ҳамда россиялик таниқли промоутер Герман Титов ҳамкорлигида ташкил этилганди.

Жангларга "Динамо" спорт жамиятига қарашли бокс зали мезбонлик қилганди. 6 январь куни ўтказилган бокс кечасида Алишер Раҳимов, Шерзод Ҳусанов сингари таниқли чарм қўлқоп усталаримиз рингга кўтарилишганди. Анча совуқ бўлгани учун спорт зали деразаларига пленка тутилган эди.

Қуйида эътиборингизга оқшомнинг марказий баҳси Алишер Раҳимов - Тоҳир Ибрагимов жанги акс этган суратларни ҳавола қиламиз. Бу Раҳимов учун проф боксдаги 13-жанг эди. Унгача ўтказилган 12 та жангнинг барчасида зафар қучганди. Ибрагимов билан бўлган жангда ҳам ёқимли анъанани давом эттирган. Суратларни кўриш орқали 13 йил аввал ўтказилган бокс кечасининг жозибасидан оз бўлса-да, баҳраманд бўлинг.