Рейтинг турнири. Исломжон Баҳромов ва Рустам Ассакалов 1/2, Бахшиллоев 1/4 финалда

Айни дақиқаларда юнон-рум кураши бўйича беллашувлар бўлиб ўтмоқда. 63 кг вазн тоифасида юртимиз шарафини ҳимоя қилаётган Исломжон Баҳромов ярим финал йўлланмасини қўлга киритди. Баҳромов 1/8 финалда озарбайжонлик Талеҳ Маммадовни 8-2, 1/4 финалда эса туркиялик Раҳмон Биличини 9-6 ҳисобида мағлубиятга учратди. Унинг финал чиптаси учун кечадиган баҳсдаги рақиби қирғизистонлик Дастан Кадиров бўлади. 

67 кг вазндаги курашчимиз Маҳмуд Бахшиллоев нимчорак финалда мезбонлар вакили Фуркан Сонкурдан 8-1 ҳисобида устун келди. Бироздан сўнг бухоролик полвонимиз яна бир туркиялик курашчи Волкан Чакилга қарши гиламга чиқади. 

Терма жамоамизнинг энг тажрибали курашчиси Рустам Ассакалов аввалига италиялик Николоз Кахелашвилини енгди. Нимчорак финалда туркиялик Абдул Кадирни 8-0, 1/4 финалда эса литвалик Вилиус Лаурнайтисни 5-3 ҳисобида мағлубиятга учратди. 

Афсуски, 97 кг вазндаги иккинчи курашчимиз Аброрбек Нурмуҳаммедов норегиялик Феликс Балдауфга 0-8 ҳисобида ютқазиб қўйди. Уч Олимпиада иштирокчиси Мўминжон Абдуллаев чорак финалда туркиялик Осман Йилдиримга, 87 кг вазндаги курашчиларимиз Жалгасбай Бердимуратов ва Нурбек Ҳошимбеков, 60 вазндаги Феруз Тўхтаевлар илк даврадаёқ рақибларини имкониятни бой бериб қўйишди.