Ричард Торрес Жалоловга қарши проф бокс жангида ўз имкониятини юқори баҳолади

"Албатта, бу режамда бор. Тўғри, хонамга унинг расмини осиб қўйиб, ўша кунни кутаётганим йўқ, лекин реванш олиш — мақсадларим рўйхатида аниқ бор. 

У ажойиб жангчи, икки карра Олимпиада чемпиони, унга ҳурматим баланд. Лекин профессионал боксда вазият бошқача бўлади, деб ўйлайман. Бу ерда чидамлилик муҳим ва табиийки, қоидалар бошқача, бу менинг фойдамга ишлаши мумкин. 

Олимпиада финалида мендан унинг белидан паст қисмига зарба берганим учун очко олиб ташлашганди. Унинг бўйи 2 метр атрофида бўлгани учун унинг белидан пастига урмаслик қийин эди. Профессионал боксда кичикроқ қўлқоплар ва узоқроқ давом этадиган раундлар мен учун устунлик беради деб ҳисоблайман", деди Торрес.