20 май 11:10
Янгиликлар

Теннис

Рим "Мастерс" турнирида чемпион аниқланди

Италия пойтахти Рим шаҳрида теннис бўйича "Мастерс" сериясига кирувчи турнир якунланди.

Ҳал қилувчи финал учрашувида дунёнинг бешинчи ракеткаси бўлиб келган германиялик Александр Зверев ATP рейтингида 24-поғонадан жой олган чилилик Николас Харрига қарши кортга чиқди. Олтмиш тўққиз дақиқа давом этган баҳсда тажрибали Зверев 6/4, 7/5 ҳисобида ғалаба қозониб, икки карра Рим "Мастерс" турнири чемпионига айланди.

Теннисчиларнинг ўзаро учрашувларида Александр олдинда бормоқда - 5:2. Зверев 6, Харри 4 та эйс зарбани амалга оширган. Қўшхатолар Николасда кўпроқ бўлди - 2 га 1. Internazionali BNL d'Italia турниридаги муваффақиятли иштирок Зверевга 1000 рейтинг очкоси ҳамда 963,225 евро мукофот пули келтирди. Харри эса 650 очко ва 512,260 евро ишлаб олди.