16 сен 14:00
Янгиликлар

Теннис

Римдаги рус дербисида Касаткинанинг қўли баланд келди

Италия пойтахти Рим шаҳри мезбонлик қилаётган теннис турнирида биринчи давра учрашувлари якунланди.

Internazionali BNL d'Italia турнирининг илк даврасида россиялик икки теннис маликалари - Вера Звонарёва ва Дарья Касаткина ўзаро тўқнаш келишди. Саксон дақиқа давом этган рус дербисида дунёнинг 74-ракеткаси бўлиб турган Касаткина рейтингнинг 181-поғонасидан жой олган ватандошини мағлуб этди - 6/2, 6/2.

Вера битта, Даша эса учта эйс зарбасини амалга оширди. Теннисчиларнинг ўзаро учрашувларидаги ҳисоб мувозанати тикланди - 1:1. Энди Касаткина Internazionali BNL d'Italia турнирининг иккинчи босқичида чехиялик Катержина Синяковага қарши кортга чиқади.