28 дек 08:45
Янгиликлар
Бокс/ММА
Рио-2016 кумуш медалидан маҳрум қилинган Алоян апелляция беради
Россиялик боксчи Михаил Алоян допинг сабаб Рио Олимпиадасининг кумуш медалидан маҳрум қилинган эди.
Боксчининг мураббийи Эдуард Кравцовнинг хабар беришича, Алоян Янги йил байрамигача ушбу қарор юзасидан апелляция беради.
“Шу ҳафтадаёқ апелляция берамиз. Миша бир ҳафта мобайнида Чеховада машғулот ўтказди. Айни пайтда у яхши спорт формасида. У Новосибирскка қайтди ва январь ойидан тўлақонли машғулотларни бошлайди”, – деди Кравцов.
Эслатиб ўтамиз, Швейцариянинг Лозанна шаҳрида жойлашган Спорт арбитраж суди (CAS) допинг қабул қилгани учун Миша Алоянни Рио Олимпиадасининг кумуш медалидан маҳрум этганди. Миша финалда ҳамюртимиз Шаҳобиддин Зоировга имкониятни бой берган эди.
Ҳавола :
Фикрлар