Риштонда белбоғли кураш бўйича ўсмирлар ўртасида Ўзбекистон чемпионати ўтказилмоқда

Ўзбекистон Республикаси жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур чемпионатда мамлакатимизнинг барча ҳудудларидан 200 нафардан ортиқ ёш полвонлар иштирок этишмоқда.

Ушбу мусобақада дастлаб, очилиш маросими ташкил этилди. Табрик учун сўз олган Ўзбекистон белбоғли кураш федерацияси раиси Равшан Дастиров ва бошқалар мамлакатимизда кейинги йилларда жисмоний тарбия ва спортнинг аҳоли орасида оммавийлигини таъминлашга, спорт турларига, хусусан, миллий спорт турларига  алоҳида эътибор қаратилаётгани ҳақида таъкидлаб, спортчиларга мусобақада муваффақият  тилашди.

Шу тариқа ўсмирлар ўртасидаги мазкур чемпионатга старт берилди.

Таъкидлаш жоиз, ушбу беллашувларда ўғил болалар белбоғли курашнинг эркин ва классик йўналишларида 11 та вазн тоифасида ўзаро куч синашишса, қизлар эркин йўналишда 7 та вазнда ғолиблик учун кураш олиб боришади.  

Илҳом РАҲМОНОВ тайёрлади