09 окт 11:17
Янгиликлар

Бокс/ММА

Роб Фонт Петр Янга қарши чемпионлик жанги учун рад жавобини берган

UFC енгил вазн тоифаси рейтингида учинчи ўринни эгаллаб турган Кори Сэндхаген россиялик Петр Яннинг рақиби Алжамэйн Стерлингни алмаштириш учун ягона номзод бўлмаган.

"Бизга UFC`дан қўнғироқ қилишди. Лекин ўшанда мен ковид билан касалланган эдим. Табиийки, ўша ҳолатда мен машғулотларни бошлай олмасдим. Чемпионлик учун яхшигина имконият юзага келган жангдан воз кечиш мен учун жуда оғир бўлганди. Аммо, ҳаммаси яхшикка. Билишимча, улар фақат мен ва Сэндхагенга жанг таклиф қилишган", - дейди UFC рейтингида тўртинчи поғонадан жой олиб турган Роб Фонт Middle Easy нашрига берган интервьюсида.

Эслатиб ўтамиз, енгил вазнда вақтинчалик UFC камари учун жанг 30 октябрь куни БАА пойтахти Абу-Даби шаҳрида ўтказиладиган UFC 267 турнири доирасида бўлиб ўтади. Унда Петр Ян Кори Сэндхагенга қарши октагонга кўтарилади. Роб Фонт эса 4 декабрь куни UFC on ESPN 31 турнирининг марказий жангида Жозе Альдо билан тўқнаш келади.