Роберт Уиттакер Чимаев билан жанги бекор бўлганига муносабат билдирди

Шунингдек, у россиялик Икрам Алискеровни қисқа муддатда жангни қабул қилгани учун миннатдорлик билдирди. 

"Хамзатнинг бетоб бўлиб қолгани ёки жароҳат олгани ҳақида ҳеч қандай гап-сўз йўқ эди. Бу ҳақда қандайдир узунқулоқ гаплар ҳам эшитмагандим. Тўсатдан Хамзат сафдан чиқди деган хабар эшитдим. Албатта, бундан хафа бўлдим. Чунки бу жанг учун уч вақт сарфлагандим. Жангга аниқ режа асосида, рақибнинг тана тузилиши, жанг олиб бориш услубига қараб тайёргарлик кўргандим. Чимаев аксарият жангчиларга ўхшаб тик турган ҳолатда жанг ўтказмайди ва шундан келиб чиқиб, кураш усуллари устида ишлагандик. Мен марказий жанг иштирокчиси эканимни ҳис қилган ҳолда бу жангга муносабат билдиргандим. Начора, шундай бўлиши керак экан. Яна бир бор Икрамнинг олдига шляпамни ечаман. Бу қисқа фурсатда ҳеч ким жангга рози бўлмасди", - деди Уиттакер. 

Эслатиб ўтамиз, Хамзат Чимаев сурункали бетоблиги сабаб шифохонага жойлаштирилганди. Энди Роберт Уиттакер ва Икрам Алискеров ўртасидаги жанг 22 июнь куни Ар-Риёд шаҳрида бўлиб ўтади. Ушбу жанг UFC on ABC 6 оқшомининг марказий баҳси бўлади.