"Ролан Гаррос". 19 ёшли Эмма Радукануда иродали ғалаба

Британиялик теннис маликаси 2 соату 40 дақиқа давом этган илк давра учрашувида WTA рейтингида 184-поғонадан жой олган чехиялик Линда Носковани қийинчилик билан мағлубиятга учрата олди - 6/7(4), 7/5, 6/1.

Радукану баҳс давомида 2 та эйс, 7 та брейкни амалга оширгани ҳолда 2 та қўшхатога ҳам йўл қўйган. Линда эса 6 та қўшхатога йўл қўйди. Бу теннисчиларнинг ўзаро ўтказган илк учрашуви эди. 

Энди 19 ёшли Эмма иккинчи босқичда беларуслик Александра Сосновичга қарши кортга чиқади. Соснович ўз ўрнида биринчи даврада хитойлик Синь Ю Ванни мағлуб этди - 6/4, 6/1.