07 июн 09:02
Янгиликлар

Теннис

"Ролан Гаррос". Амалдаги чемпион финалда!

Франция пойтахти Париж шаҳрида ўтказилаётган теннис бўйича "Катта Дубулға" туркумига кирувчи "Ролан Гаррос" турнирининг аёллар ўртасидаги баҳсларида илк финалчи маълум бўлди.

Сайёрамизнинг биринчи рақамли теннис маликаси Ига Свёнтек Франция Очиқ чемпионатининг 1/2 финалида дунёнинг учинчи ракеткаси, америкалик Коко Гоффни 6/2, 6/4 ҳисобида мағлубиятга учратди. Теннисчиларнинг ўзаро учрашувларида Ига катта фарқ билан олдинда бормоқда - 11:1.

Тўқсон саккиз дақиқа давом этган баҳсда Свёнтек "Ролан Гаррос" турнирининг амалдаги чемпиони эйс зарба ижро эта олмади. Бу борада Гофф уч бор аниқ ҳаракат қилди. Қўшхатолар бўйича 0 га 4 ҳисоби Кори "фойдасига" ҳал бўлди. Брейклар бўйича устунлик чемпион томонда - 4 га 1! Свёнтек қаторасига учинчи йил ҳам "Ролан Гаррос" финалида ўйнайди.