14 июн 09:36
Янгиликлар

Теннис

"Ролан Гаррос". Аёллар ўртасидаги жуфтлик баҳслари ғолибалари маълум + ФОТО

Икки ҳафта давомида Франция пойтахти Париж шаҳрида ўтказилган теннис бўйича "Катта Дубулға" туркумига кирувчи "Ролан Гаррос" турнири тарих саҳифаларига муҳрланди.

Аёллар ўртасидаги жуфтлик мусобақасида чехиялик теннисчилар - Барбора Крейчикова ва Катержина Синякова бош соврин соҳибаларига айланишди. Улар ҳал қилувчи финал учрашувида америкалик Бетани Маттек-Сэндс ҳамда польшалик Ига Свёнтек ҳамкорлигидан устун келишди - 6/4, 6/2.

Бир соату 16 дақиқа давом этган баҳсда Барбора ва Катержина бешта брейк-пойнтни амалга оширишди ва тўп узатишда саккиз бор хатога йўл қўйишди. Бу икки теннисчи фаолиятларида иккинчи бор Roland Garros турнирида зафар қучишди.