06 июн 11:26
Янгиликлар

Теннис

"Ролан Гаррос". Аёллар ўртасидаги жуфтлик турнири бош соврини Францияда қолди

"Катта Дубулға" туркумига кирувчи "Ролан Гаррос" турнирининг аёллар ўртасидаги бош соврини мезбон теннис маликаларига насиб этди.

Мезбон теннисчилар - Каролин Гарсия ва Кристина Младенович ҳал қилувчи финал учрашувида Кори Гофф ҳамда Жессика Пегуладан иборат америкалик тандемдан 2/6, 6/3, 6/2 ҳисобида устун келишди.

Финал баҳси 1 соату 46 дақиқа давом этган ва унда Каролин ва Кристина 1 та эйс, 5 та брейк ва 3 та қўшхато қайд этган. Бу икки теннисчи 2016 йилги "Ролан Гаррос" турнирида ҳам бош соврин соҳибасига айланишган эди.

Париждаги муваффақиятли иштирок Гарсия ва Младеновичга 2000 рейтинг очкоси ҳамда €580,000 евро мукофот пули келтирган. Гофф ва Пегула 1300 балл ва €290,000 евро ишлаб олишди.