25 май 19:37
Янгиликлар

Теннис

"Ролан Гаррос". Эмма Радукану иштирокини якунлади

Дунёнинг 12-ракеткаси Эмма Радукану учун "Катта Дубулға" туркумига кирувчи Франция Очиқ чемпионати якунланди.

Британиялик теннис маликаси иккинчи давра учрашувида WTA рейтингида 47-поғонадан жой олган беларуслик Александра Сосновичга 6/3, 1/6, 1/6 ҳисобида имкониятни бой бериб қўйди. Бир юз йигирма беш дақиқа давом этган баҳсда 19 ёшли Радукану 3 та эйс, 2 та брейк-пойнт ва 3 та қўшхато қайд этди.

Теннисчиларнинг ўзаро учрашувларидаги ҳисоб 2:0 кўринишига келди. Энди 28 ёшли Соснович French Open турнирининг учинчи даврасида германиялик Анжелик Кербер ёки франциялик Эльза Жакемога қарши кортга чиқади.