“Ролан Гаррос”. Федерер 25-маротаба Вавринкани мағлуб этди

Дунёнинг учинчи ракеткаси бўлиб турган 37 ёшли Рожер чорак финал учрашувида ватандоши Стэн Вавринкага қарши кортга чиқди. Уч соату 35 дақиқа давом этган баҳсда Федерер рейтингнинг 28-поғонасидан жой олган 34 ёшли юртдошини мағлуб этди - 7/6(4), 4/6, 7/6(5), 6/4.

Бу икки швейцариялик теннисчининг ўзаро ўтказган 28-учрашуви сифатида тарихга кирди. Ушбу баҳсларнинг 25 тасида Рожер ғалаба қозонган. Энди Федерер “Ролан Гаррос” турнирининг ярим финалида мусобақанинг амалдаги ғолиби, грунт қироли Рафаэль Надалга қарши кортга чиқади.