08 июн 13:50
Янгиликлар

Теннис

"Ролан Гаррос" жуфтлик мусобақасида финалчилар маълум

Франция пойтахти Париж шаҳрида ўтказилаётган теннис бўйича "Ролан Гаррос" турнири ўз якуни сари яқинлашмоқда.

Мусобақанинг эркаклар ўртасидаги баҳсларида финал иштирокчилари маълум бўлди. Италияликлар Симоне Болелли ва Андреа Вавассори турнирда иккинчи рақам остида таснифланган ҳиндистонлик Рохан Бопанна ҳамда австралиялик Мэттью Эбден ҳамкорлигини мағлуб этишди - 7/5, 2/6, 6/2.

Иккинчи ярим финалда сальвадорлик Марсело Аревало ва хорватиялик Мате Павич турнирнинг биринчи рақамли жуфтлиги - испаниялик Марсель Гранольерс ҳамда аргентиналик Орасио Себальосдан устун келди - 3/6, 6/4, 7/5.