01 июн 13:31
Янгиликлар

Теннис

"Ролан Гаррос Жуниор-2023". Амир Милушевнинг саралашдаги илк рақиби маълум бўлди, ўйин бугун бўлади

Бугун Франция пойтахти Парижда ёшлар ўртасидаги "Катта Дубулға" таснифига кирувчи "Ролан Гаррос" турнирининг саралаш баҳслари старт олади.

Аввал хабар берганимиздек, мазкур турнирда ўзбекистонлик ёш теннисчи — Амир Милушев ҳам иштирок этади. Милушев турнирдаги иштирокини саралашнинг биринчи босқичидан бошлайди. Унга Жанубий Корея вакили Ро Хойонг рақиблик қилади. Қайд этиш жоиз, Хойонг саралаш босқичида олтинчи рақамли теннисчи сифатида таснифланган.

Амир Милушев ҳамда Ро Хойонг баҳси бугун 19:00 да бошланиши белгиланган.

Маълумот учун, Амир ITF дунё рейтингида 87, Ро Хойонг эса 56-ўринни эгаллаб турибди.

Мазкур баҳс ғолиби саралаш финалида франциялик Феликс Бальшо ҳамда АҚШ вакили Купер Войстэндик жуфтлиги ғолибига қарши кортга чиқади.

Ҳамюртимизга бугунги баҳсда омад тилаймиз!