03 июн 17:22
Янгиликлар

Теннис

"Ролан Гаррос". Коко Гофф рақибасига учта гейм берди

Дунёнинг учинчи ракеткаси Коко Гофф "Ролан Гаррос" турнирининг чорак финал иштирокчисига айланди.

Америкалик теннисчи тўртинчи даврада WTA рейтингида 51-поғонадан жой олган италиялик Элизабетта Коччиареттони ортиқча қийинчиликсиз мағлубиятга учратди - 6/1, 6/2. Коко теннисчиларнинг ўзаро учрашувларидаги ҳисобни йириклаштирди - 3:0.

Бир соату бир дақиқа давом этган баҳсда Гофф 3 та эйс, 5 та брейкка эришиб, 4 та қўшхатога йўл қўйди. Коко қаторасига тўртинчи йил ҳам Франция Очиқ чемпионатининг 1/4 финалига чиқди.