31 май 19:30
Янгиликлар

Теннис

"Ролан Гаррос". Стефанос Циципас ғалаба билан бошлади

Франция пойтахти Париж шаҳрида теннис бўйича "Катта Дубулға" туркумига кирувчи турнир давом этмоқда.

Дунёнинг бешинчи ракеткаси Стефанос Циципас мусобақадаги иштирокини ғалаба билан бошлаб олди. Грециялик теннисчи ATP рейтингида 57-поғонада бораётган испаниялик Роберто Карбальес-Баэнани 6/3, 7/6(4), 6/2 ҳисобида мағлубиятга учратди.

Теннисчиларнинг ўзаро учрашувларидаги ҳисоб 2:0 кўринишига келди. Икки соату 19 дақиқа давом этган баҳсда Стефанос 6 та эйс, шунча брейкка эришди. Унинг иккинчи босқичдаги рақиби аргентиналик Диего Шварцман ёки португалиялик Нуну Боргеш бўлади.