19 янв 12:44
Янгиликлар

Бокс/ММА

Роландо Ромеро қандай ҳолатда Шаҳрам Ғиёсов билан жанг қилиши мумкинлиги айтилди

Проф бокснинг ярим ўрта вазн тоифасида амалдаги WBA чемпиони, америкалик Роландо Ромеронинг навбатдаги жанги бўйича маълумотлар берилди.

ESPN нашри мухбири Сальвадор Родригес хабарига кўра, WBA ташкилоти Ромерога ўзбекистонлик мажбурий даъвогар Ғиёсов билан жангдан олдин Конор Беннга қарши ихтиёрий ҳимоя жангини ўтказишга рухсат берган. Беннинг ўзи эса Райан Гарсия ва Марио Барриос баҳси ғолиби билан WBC камари учун жанг қилиш истагида экани айтилмоқда.

Агар Роландо Ромеро Конор Бенн билан учрашмаса, унинг кейинги рақиби Шаҳрам Ғиёсов бўлиши талаб этилади. Ромеро бу ҳолатда Шаҳрам Ғиёсов билан жанг қилишдан бош тортса, қоидаларга асосан, чемпионлик камаридан айрилади.